Vinnustofa með styrk frá uppbyggingarsjóði EES

Rótin, RIKK – Rannsóknastofnun í jafnréttisfræðum og Union of Women Associations of Heraklion Prefecture á Krít fengu í fyrra styrk frá uppbyggingarsjóði EES til að undirbúa umsókn um verkefni sem snýr að heimilislausum konum og ofbeldi.

Í síðustu viku var fyrri vinnustofa verkefnisins haldin hér á landi þegar þau Spetsidis Nicholas og Elena Founargiotaki komu og áttu góða fundi með fagfólki og heimsóknum á þjónustustaði.

Við þökkum öllum sem tóku þátt í vinnustofunum fyrir þátttökuna. Við fengum góða innsýn í hvað er að gerast í skaðaminnkandi þjónustu fyrir konur á Íslandi hjá Reykjavíkurborg, Landspítala, Skjólinu og Konukoti ásamt kynningu á nýrri MA-ritgerð Kolbrúnar Kolbeinsdóttur um konur í Konukoti.

Við þökkum þeim Guðbjörgu Ottósdóttur, dósent í félagsráðgjöf, Halldóru D. Gunnarsdóttur og  Valgerði Jónsdóttur hjá mannréttindaskrifstofu Reykjavíkurboegar, Soffíu Hjördísi Ólafsdóttur,  verkefnastjóra VoR teymis hjá Reykjavíkurborg, Gunnlaugu Thorlacius, yfirfélagsráðgjafa á LSH, Jóhönnu Erlu Guðjónsdóttur, félagsráðgjafa við bráðamóttöku LSH, Önnu Tómasdóttur, hjúkrunarfræðing á göngudeild smitsjúkdóma LSH, Rósu Björgu Brynjarsdóttur, forstöðukonu í Skjólinu og Kolbrúnu fyrir þátttöku í vinnustofum og heimsóknum.

• 

  Á myndinni eru þau Nicholas, Kristín, talskona Rótarinnar, Halldóra, forstöðukona Konukots, Elena og Elín Björk Jóhannsdóttir, verkefnisstjóri RIKK.

• 

  Nicholas og Halldóra Dýrleifar Gunnarsdóttir, mannréttinda- og lýðræðisskrifstofu. Reykjavíkurborgar

• 

  Jóhanna Erla Guðjónsdóttir, félagsráðgjafi, og Gunnlaug Thorlacius, yfirfélagsráðgjafi Landspítala

• 

  Halldóra R. Guðmundsdóttir, forstöðukona í Konukoti

• 
• 

  Elín Björk Jóhannsdóttir og Nicholas Spetsidis