„Konur í römmum“ eftir Kristínu Blöndal

„Konur í römmum“ eftir Kristínu Blöndal

Fimmtudaginn 26. mars kl. 20 verður Fræðslusjóður Rótarinnar stofnaður að Kvennaheimilinu á Hallveigarstöðum. Stofnun sjóðsins er möguleg vegna stofnframlaga þeirra sem vilja halda nafni Önnu Kristínar Ólafsdóttur stjórnsýslufræðings á lofti og hafa staðið að söfnun í sjóðinn. Anna Kristín lést aðeins 49 ára gömul vorið 2013. Hún var kvenfrelsiskona og alla tíð baráttukona fyrir bættri stöðu kvenna og barna.

Fræðslusjóði Rótarinnar er ætlað, í samræmi við markmið félagsins, að kosta rannsóknir viðurkenndra aðila á viðfangsefnum sem snerta konur, fíkn og áföll og að nýtast til fræðslustarfs og ráðstefnuhalds.

Öllum er velkomið að styrkja stofnun Fræðslusjóðs Rótarinnar með stofnframlagi í minningu Önnu Kristínar. Framlög má leggja inn á bankareikning Rótarinnar:
Rótin – félag um málefni kvenna með áfengis- og fíknivanda 

Kt. 500513-0470

Bankareikningur 0101-26-011472

Vinsamlegast merkið greiðsluna: „Stofnframlag í fræðslusjóð“.

Söfnun stofnframlaga lýkur 1. júní.

Á fundinum mun Þórunn Sveinbjarnardóttir hvatamanneskja að stofnun sjóðsins halda erindi og Kristín I. Pálsdóttir talskona Rótarinnar flytur erindi um tilurð og markmið Rótarinnar.

Stofnfundurinn er öllum opinn!

Share This