Að segja frá

Konur sem hafa orðið fyrir kynferðisofbeldi glíma oft við flóknar afleiðingar þess. Ein leið til valdeflingar og bata er að rjúfa þögnina sem oft ríkir um kynferðisbrot. Það getur átt við að segja frá, t.d. innan fjölskyldu, vinum, samstarfsfólki, á samfélagsmiðlum eða opinberlega í fjölmiðlum. Á námskeiðinu er farið í gegnum hvernig best er að undirbúa það að rjúfa þögnina.

Fyrir hverjar

Námskeiðið er ætlað konum sem hafa hug á að opna umræðu um ofbeldi sem þær hafa orðið fyrir. Skráning fer fram hér!

Markmið

Markmið námskeiðsins er að konur geti sagt frá ofbeldi sem þær hafa orðið fyrir og afleiðingum þess, eins og til dæmis fíkn og áfallastreitu, að þær finni fyrir þeim krafti sem býr innra með þeim og veiti hverri annarri stuðning til þess, m.a. að létta á skömm og sektarkennd og að gefa konum sem þess óska tækifæri til að undirbúa sig til að segja opinberlega frá á eigin forsendum.

Aðferð

Námskeiðið byggist annars vegar á fræðilegum kenningum og rannsóknum og hins vegar á reynslu þátttakenda í ljósi fræðanna.

Meðal efnisþátta eru t.d. að:

  • rjúfa þögnina,
  • segja aðstandendum, vinum og samstarfsfélögum frá
  • búa sig undir hugsanleg viðbrögð annarra
  • hlúa að sjálfri sér
  • segja frá opinberlega
  • vera undirbúin ef fjölmiðlar hafa samband

Styrkleikar þátttakenda eru kortlagðir og við deilum reynslu okkar, styrk og seiglu. Í lok hvers tíma er heimaverkefni kynnt sem mælt er með að þátttakendur vinni svo þeir fái sem mest út úr námskeiðinu.

Námskeiðið byggir á bæklingnum „Ef fjölmiðlar hafa samband“ en einnig fjölbreyttu efni meðal annars frá dr. Stephanie Covington.

Leiðbeinendur og verkefnisstjórn 

Leiðbeinendur á námskeiðinu eru uðrún Ebba Ólafsdóttir og Katrín G. Alfreðsdóttir. Verkefnisstjóri er Kristín I. Pálsdóttir. Sjá nánar.

Hvenær

30. nóvember 2019

Skipulag

Námskeiðið er samanstendur af þremur 90 mínútna lotum og er haldið laugardaginn 30. nóvember kl. 10.30-16.30 (tvö 30 mínútna hlé).

Verð

15.000 kr.

Hámarksfjöldi er 10 þátttakendur.

Þátttakendur eru hvattir til að sækja fundi í Rótarhópnum á miðvikudögum kl. 19.15 að loknu námskeiðinu.

Share This