Áföll – leiðir til bata er námskeið þar sem athyglinni er beint að þeim áföllum sem konur eru í mestri hættu á að verða fyrir eins og kynferðisofbeldi, ofbeldi í nánum samböndum og öðru ofbeldi á milli tengdra aðila. Námskeiðið er kynjamiðað og byggt er á styrkleikanálgun. Þátttaka í námskeiðinu styður konur í að vinna úr afleiðingum áfalla. Kennd eru bjargráð sem nýtast við úrvinnslu áfalla almennt. Þátttakendur fá veglegt verkefnahefti.

Námskeiðið er þróað af dr. Stephanie Covington og heitir á ensku Healing Trauma. Hún hefur verið leiðandi í þekkingu á áfalla- og kynjamiðaðri nálgun fólks með vímuefnavanda og áfalla-sögu. Hún hefur samið mikið af gagnreyndu meðferðarefni fyrir konur sem er á skrá bandarísku alríkisstofnunarinnar SAMHSA (Substance Abuse and Mental Health Services Administration) yfir gagnreynt meðferðarefni (National registry of evidence-based programs and practices).

Fyrir hverjar?
Námskeið er fyrir konur sem glíma við afleiðingar áfalla. Námskeiðið hentar sérstakleg vel konum sem hafa orðið fyrir kynferðisofbeldi.

Markmið
Markmið námskeiðsins er að þátttakendur geti náð sér af afleiðingum áfalla, að þær finni fyrir þeim krafti sem býr innra með þeim og veiti hverri annarri stuðning til þess að létta á skömm og sektarkennd.

Efnisþættir
Á námskeiðinu er fjallað um vald og valdbeitingu, áfallaferlið, sjálfsumhyggju, ACE-spurningalistann, reiði og heilbrigð sambönd.

Leiðbeinendur og verkefnisstjórn
Leiðbeinendur á námskeiðinu er Guðrún Ebba Ólafsdóttir og Þórunn Sif Böðvarsdóttir. Guðrún Ebba Ólafsdóttir hefur þýtt og aðlagað námsefnið. Verkefnisstjóri er Kristín I. Pálsdóttir.

Skráning og þátttökugjald
Skráning fer fram á síðu Rótarinnar. Hámarksfjöldi er 10 þátttakendur.

Verð: 30.000 kr. Krækja á skráningarsíðu er hér.

Skipulag
Námskeiðið er haldið að Hallveigarstöðum, Túngötu 14, 101 Reykjavík í þrjú skipti tvær helgar í röð á eftirfarandi dagsetningum:

Tími Dagsetning Kl.
1 30. október Laugardagur 10:00-14:00
2 31. október Sunnudagur 10:00-14:00
3 6. nóvember Laugardagur 10:00-14:00

Námskeiðið er niðurgreitt með styrk frá heilbrigðisráðuneyti.

Share This