Ráðstefna um konur og fíkn

Banner_radst2015c

 

 

 

 

 

 

Rótin, RIKK, Jafnréttisstofa og fleiri aðilar standa að ráðstefnu um konur, fíkn, áföll og meðferð, hinn 1. og 2. september 2015, á Grand hóteli í Reykjavík. Á ráðstefnunni verða fyrirlesarar frá Bandaríkjunum, Svíþjóð, Grænlandi og Íslandi.

Tilgangur ráðstefnunnar er að auka skilning og þekkingu á kynjafræðilegu sjónarhorni á fíkn, áföll og meðferð og á nauðsyn kynjamiðaðrar meðferðar. Ráðstefnan mun einnig koma á samvinnu norrænna fræðimanna og fagfólks sem beinir sjónum að sálfélagslegum raunveruleika kvenna og áfallareynslu þeirra í tengslum við fíkn og meðferð.

Aðalfyrirlesari er Stephanie Covington, sálfræðingur. Hún er höfundur bókarinnar A Woman’s Way through The Twelve Steps og frumkvöðull í rannsóknum og vinnu með sérstakan vanda kvenna að því er varðar fíkn. Hún mun einnig bjóða upp á vinnustofur fyrir fagfólk sem vinnur með fólki með fíknivanda. Ein vinnustofa verður haldin fyrir konur á batavegi.
Ráðstefnan er ætluð sálfræðingum, áfengis- og vímuefnaráðgjöfum, skólasálfræðingum, læknum, starfsmannastjórum, geðhjúkrunarfræðingum, starfsráðgjöfum, fjölskylduráðgjöfum, félagsráð­gjöfum, iðjuþjálfum, sjúkraþjálfurum og öðru fagfólki sem vinnur með fólki með fíknivanda.

Áhugafólk um málefnið er velkomið á ráðstefnuna sem og fólk sem glímt hefur við fíknivanda.

Öll dagskrá ráðstefnunnar, fyrirlestrar og vinnustofur, eru á ensku.

Nánari upplýsingar og um ráðstefnuna er að finna á heimasíðu RIKK en þar er einnig hægt að skrá sig til þátttöku.

Lokaskýrsla um ráðstefnuna var gerð og send styrktar- og stuðningsaðilum. Skýrslan er aðgengileg hér á PDF-formi.

Sorry, comments are closed for this post.

Share This